Бұл туралы Caravan.kz медиа-порталы Астана арнасына сілтеме жасап хабарлайды.

Артынша, арнайы мамандар Аяулымның жағы іріңдеп, шіріп жатқанын айтқан. Аяулымның тісін жұлдырғанына бір жыл өтсе де зардабын әлі тартып отыр. Себебі ірің жағына дейін жайылып, 8 айда 3 ота жасатқан. Алғашқы операция Қызылордада жасалғанымен нәтиже болмапты. Анасы сондықтан Алматыға алып баруға мәжбүр болдым дейді. Ал ондағылар кішкентай қыздың жағы шіріп жатқандықтан, құлақ түбіндегі негізгі бөлігін кесіп алып тастауға тура келген. Енді жақ сүйектің қайта өсетініне кепіл жоқ депті мамандар.

Аяулымның анасы Гауһар Ермағанбетова:

"Мына жері жоқ қой қазір. Бұл жер өсу өспеуі белгісіз болып тұр. Өспеу қалған жағдайда операциямен теңестіреміз деді. Негізі дұрыс анализ жинамаған. Зерттеу жүргізбеген. Солай тісін жұлған. Тісін жұлғаннан кейін осындай асқыну болып отыр. Негізі бұндай диагнозбен барғанда, стамотолог врач, ортодонттар или хирургтар жұмыс жасау керек екен. Ал менің қызыма орта білімді дантист қызмет көрсеткен",-деді.

Медициналық және формацевтикалық бақылау комитеті аталмыш жағдайға байланысты тиісті диагностикалық тексеріс толыққанды жүргізілмеген деген қорытынды шығарған. Тіпті баланың тісін дантист жұлуға болмайтынын айтқан. Ал ақ халаттылар өздеріне шаң жуытпай отыр.

Қалалаық орталық емхананың бас дәрігерінің орынбасары Гүлзира Садықова:

"Сол кезде қолданыста жүрген стандарт бойынша 10/53 пантеисттің құқығы бар болатын. Шұғыл түрде көмек көрсететін зубной врач деген болады. Сол тараппен көрсетілген. Ал осы жылы ақпан айында шыққан стандартта ол қызмет түрі алынып тастаған. Егерде тағы да тістері ауырып жатқан болса, жағдайы нашарлап жатқан кезде әрдайым көмегімізді көрсетуге дайынбыз",-деп мәлімдеді.

Қазір Аяулым үйінде ерекше күтіммен отыр. Тіпті мектеп алды даярлық тобына да бара алмай қалды. Ал анасы кінәлілердің жазасыз қалғанына ызалы.