Мәдениет және ақпарат министрлігі продюсер Баян Алагөзованың "Қыз Жібек" фильмінде қолданылған камзолды киіп түскен видеосының дау тудыруына байланысты пікір білдірді.

Министрліктің хабарлауынша, "Қазақфильм" киностудиясының музей қорында "Қыз Жібек" фильмінде пайдаланылған бір камзолдың түпнұсқасы сақтаулы. Бұл жәдігер ұлттық кино өнерінің маңызды мәдени мұрасы ретінде қорғалған. Ал продюсер жариялаған жазбадағы екінші камзолдың жеке қолға қалай өткені қазір анықталып жатыр.

"Қазақфильм" киностудиясы ұлттық фильмдерде пайдаланылған құнды реквизиттерді, костюмдер мен басқа да тарихи маңызы бар заттарды жүйелі түрде жинақтап, қалпына келтіру және сақтау жұмыстарын жүргізіп келеді. Бұл бағыттағы жұмыс ұлттық мәдени мұраны келешек ұрпаққа жеткізуге бағытталған", – делінген ресми хабарламада.

Еске салайық, продюсер Баян Алагөзова "Қыз Жібек" фильмінде актриса Меруерт Өтекешова киген тарихи қамзолды алғанын айтып, әлеуметтік желіде видео жариялаған болатын. Алайда, бұл видео кейбір желі қолданушылардың тарапынан сынына ұшырады.

Посмотреть эту публикацию в Instagram

Публикация от Bayan Alaguzova (@bayanmaxatkyzy)

Оқи отырыңыз:

• "Махаббат бекетінен" басталған жол: Баян феноменінің тасасында қандай құпия жатыр
• Баян Алагузова представила публике мюзикл "Сиситай". Чего ждать от этого фильма?